LETËR BACES ADEM BERISHA

Titulli: LETËR BACES ADEM BERISHA Tue 11 Sep 2007, 9:41 pm

Shumë i nderuari baca Adem,

Jemi qëlluar me mijëra kilometra largë. Desha te të përqafoj nga largësia, shpresoj se je mirë me shëndetin, dhe nëse je mirë shkrepja bacë, mos hezito, na ka marrë malli për shkrimet e tuaja.
Të fala, Shaban Cakolli nga Gjermania.

Titulli: PËR KËNAQËSINË E SHABAN CAKOLLIT dhe ... Wed 12 Sep 2007, 1:29 pm

O Shaban, shumë të falem nderit për ate që thua. Unë këto fjalë nga Ti i dij edhe pa qenë fare të shkruara. Por sa i përket shëndetit, besa ndoshta do të më duhet për një kohë të largohem nga forumet sepse keq e kam punen tash me kurrizin, thuaj se pak ishin ato problemet e mëparme veç edhe kjo të më gjejë.
E sa për të "shkrepur" sot për kënaqësinë tuaj po e ndez një predhë, ate për "Petritat dardanë". Do ta kesh këtu por të shoh nëse nuk do të mbuloj ndonjë krijues tjetër, po e postoj edhe tek krijimet e poetëve të forumit. Shaban, për jetë e mot të paqa si është më së mirë se e bëmë këtë faqe sikur të ishim në chat ose e-mail.

PETRITAT DARDANË

Oj Kosovë, Kosovë dardane
nga lashtësia që gjallon,
gjithë ke qenë kala vigane
të gjitha kohërave që ‘u reziston.

Digë e fortë je prej çeliku
nuk ka forcë qe të gjunjëzon,
kurr s’u trembe nga armiku
s’ka pushtues ty qe të pushton.

Djem e vajza i ke petrita
shiu as bora s’i ndalon
për çdo ditë iu shtohet rrita
të kënaqet zemra, kur i shikon.

Izet Currin djalë Gjakove
at petrit që e rrite në gji,
at lulkuqe, lulkosove
lum që e kishe atë djalë të ri.

At djalosh atë bir shqiptari
që nuk trembej nga armiku,
i edukuar si është më së mbari
nga atdheu ai kurr nuk iku.

Bashkë me Istrefin u flijuan
për të mos lëshuar trollin e të parit,
në fshatin Meje këta e pësuan
nga gjakatarët e barbarit.

Në çaste të fundit pak pa rënë
përsëri veten dëshmuan,
shkjaut ia shanë këta babë e nënë
sytë t’ua mbyllnin, nuk lejuan.

Qit bre shkja he bir i shkinës
se për plumb mua më ka lindë nëna,
ti barbar je i Vlasinjës
prap Kosova ka djem si zana.
_________________
“Është lehtë të bëhesh pasha në nahi
por është vështirë të jesh njeri”.

"Njeriu jeton për sa të jetojë vepra dhe kujtimi për te".

Titulli: Re: LETËR BACES ADEM BERISHA Thu 13 Sep 2007, 7:22 pm

Të lumtë baca i ynë,bash për këtë të kam ftuar,
Mbahu,në u ndjefsh keq nga kurrizi,shtrehu por ashtu shtrirë shkruaj,nuk ka largim nga forumi.

Rrofsh sa malet.

Titulli: Re: LETËR BACES ADEM BERISHA Thu 04 Oct 2007, 1:07 pm

Zoteri Ademi te uroj ngushellime te ndersjellta per engjellin tuaj dhe njekosisht lus zotin qe ate te shperblej me me te shtrejten gje,, XHENETIN'' dhe gjithashtu ty dhe familjes suaj ju uroj durim me te madh se ne te vertet jam i ri dhe ndoshta nuk mund ta ndjej ate dhimbje si ju qe e ndieni,ngase nuk kam femij!!!!Po mbajeni veten se jeta eshte e till, ke momente kur lodhesh nga jeta dhe don te vdesesh po ka edhe momente kur edhe 1000 vjet po te jetosh te duken pak!!!!!!!

I dashuri majlo, edhe unë kur isha i ri nuk e besoja shumë ate që thonin se më shumë duhet fëmia i fëmiut se sa vetë fëmiu i yt dhe se evladi i evladit është mjalti i mjaltit. Mirëpo, ja tash e kuptoj se nuk qenka vetem mjalti i mjaltit por qenka edhe shpirti i shpirtit, Ti edhepse i ri, mjaft mirë po e kupton këtë e dhashtë zoti të bëhesh jovetem prind por edhe gjysh e stërgjysh e atëherë do të kuptosh edhe më mirë.
Unë të falem nderit për gjithë ate që ti ndien dhe gjithë ate që më thua. Ngushllimet e një të riu si ti janë me vlerë të dyfishtë prandaj sinçerisht nga zemra të falenderoj. I yti xhaxhi Adem.
_________________
“Është lehtë të bëhesh pasha në nahi
por është vështirë të jesh njeri”.

"Njeriu jeton për sa të jetojë vepra dhe kujtimi për te".

Titulli: Re: LETËR BACES ADEM BERISHA Fri 05 Oct 2007, 10:13 am

Babush prano ngushëllimet më të sinqerta për humbjen e të dashures Tuaj, dhe dhe të gjithë neve engjullit Diellza Berisha, Ju shpreh ngushëllimet e mia të thella babush.
Në këto momente të rënda për Ju, Ju lutem bëhuni të
fortë. Unë babush qëndrojmë pranë Jush.
_________________
Edhe unë jamë pjesë e botës mos mi moho të drejtat e mija

Titulli: GJITHË TË MIRAT PËR ARLINDIN Fri 05 Oct 2007, 12:31 pm

KUIR SHKRUAN LINDI

Kur Arlindi të qon leter,
nuk të duhet asgjë tjetër.
Kur Arlindi të ngushllon,
shpirt e zemer t'i qetson.

Kur Arlindi shkruan për Diellzen,
të jep driten të jep rrezen.
Kur Arlindi shkruan për motren
plot gëzim ai të mbush votren.

Kur Arlindi të thërret babush
sikur ai s'të kënaqë askush.
Kur Arlindin e ke pranë,
gjithë të mirat me ty janë.

Se Arlindi është një yll
për këtë s'ka asnjë dyshim,
i mirë në fushë e i mirë në pyll
por më i miri është në mësim.

Arlind, jetë të gjatë, të hareshme e të lumtur, nga zemra të deshiron babushi Adem me gjithë hallet e tija
por këtë të uron edhe Diellza nga përjetësia.
_________________
“Është lehtë të bëhesh pasha në nahi
por është vështirë të jesh njeri”.

"Njeriu jeton për sa të jetojë vepra dhe kujtimi për te".