Arrestohet Radovan Karaxhic

Titulli: Arrestohet Radovan Karaxhic Sun 27 Jul 2008, 7:55 pm

Zyra e Presidentit të Serbisë Boris Tadiç njoftoi arrestimin e
ish-udhëheqësit të ish-udhëheqësit serb të Bosnjes Radovan Karaxhiç, një ndër personat më të kërkuar në botë. Radovan Karaxhiç, i cili ka qenë në arrati prej më shumë se 10 vjetësh, kërkohej nga Gjykata e Hagës nën akuzat për gjenocid. Karaxhiçi, udhëheqës i serbëve të Bosnjes gjatë luftës së viteve '90, akuzohej për vrasjen e mijëra civilëve. Këtu përfshihen edhe mbi 8 mijë viktimat e masakrës së Srebrenicës të vrarë nga forcat serbe të Bosnjes. Radovan Karaxhiç ishte një ndër 4 udhëheqësit e periudhës së luftrave ballkanike që kërkoheshin nga Gjykata e Hagës. Ish-komandanti ushtarak i serbëve të Bosnjes Ratko Mlladiç dhe ish-udhëheqësi i serbëve të Kroacisë Goran Haxhiç ende nuk janë kapur.
Policia serbe arrestoi ish komandantin e policisë serbe të Bosnjes Stojan
Zhupljanin muajin e kaluar.
Zyra e Presidentit të Serbisë Boris Tadiç njofton se ish-udhëheqësi serb i Bosnjes, Radovan Karaxhiç, u arrestua të hënën në mbrëmje, gjatë një operacioni të forcave serbe të sigurimit. Zyrtarët thonë se Karaxhiçi u dërgua më pas para një gjykatësi hetimor të Gjykatës Serbe të Krimeve të Luftës në Beograd. Prokurorët e Gjykatës së Hagës e kanë akuzuar Karaxhiçin për gjenocid dhe krime njerëzimit gjatë konfliktit në Bosnje. Ai akuzohet se ka qenë ideatori i vrasjes së mbi 8 mijë burrave dhe djemve myslimanë në qytetin boshnjak të Srebrenicës.
Në Shtetet e Bashkuara, Shtëpia e Bardhë e përshëndeti arrestimin e Karaxhiçit dhe tha se ky fakt është një shpagim për viktimat e krimeve të luftës.
Komandanti ushtarak i serbëve të Bosnjes gjatë konfliktit, Ratko Mlladiç, një ndër personat më të kërkuar nga Gjykata e Hagës, ende ndodhet në arrati.
Ivan Vejvoda, Drejtori ekzekutiv i Trustit Ballkanik për Demokraci, një fondacion me seli në Beograd, thotë se arrestimi i Radovan Karaxhiçit ishte hapi i duhur i ndërmarrë nga qeveria serbe:
"Arrestimi thekson gjithashtu me të madhe se qeveria e re në Beograd ka treguar në praktikë atë që ka thënë me fjalë se ka vullnetin e nevojshëm politik për të ecur përpara dhe për ta bërë arrestimin e të akuzuarve të tjerë për krime lufte një përparësi të qeverisjes së saj." Kryeprokurori i Gjykatës së Hagës Serzh Bramerc e mirëpriti njoftimin për arrestin e Karaxhiçit duke thënë se kjo "është një ditë e rëndësishme për drejtësinë ndërkombëtare, pasi tregon qartë se askush nuk është i paprekshëm nga ligji."
Serbia ka qenë nën presion të fortë nga Bashkimi Evropian, Uashingtoni dhe Kombet e Bashkuara për të kapur dhe dorëzuar Karaxhiçin dhe të akuzuar të tjerë për krime lufte në Gjykatën e Hagës.
_________________
Don't kill love, it's all we've got left!

Titulli: Re: Arrestohet Radovan Karaxhic Sun 27 Jul 2008, 8:49 pm

po ka 2-3 dit qe e' kemi marr vesh dhe e kemi par ne te tjera forume ,,,,
karaxhiç duhet varur biles e kan arrestuar me vones
_________________
Kur linde ti qave por qeshen te tjeret prndaj jeto ne at menyr qe kur te shkoj nga kjo bot ti te shkosh i gezuar e te tjeret te qajn per ty.

Titulli: Re: Arrestohet Radovan Karaxhic Mon 28 Jul 2008, 4:56 am

Kur iu dasht dorezimi i Miloshit e gjeti, e arrestoi dhe e dorezoi-e shiti. Tash sa kohe Karaxhiqin e fshehu, per t'ia rrit cmimin, tash kur arriti qellimin e perfitimit kombetar e shteteror, e kapi,
Por, edhe vet lideret serbe, si Miloshi e Kraxhiqi, me vone kur te arrine vleren e caktuar politike e materiale,edhe Mladiq do dorezohet vetem per interes te shtetit e popullit te vet.
E drejta fiton nje dite,por me vuajtje dhe nje mund te madh,ashtu sic e fitoi dhe populli shqiptar.
Fund te tille pacin te gjithe armiqte e popujve.

Titulli: Re: Arrestohet Radovan Karaxhic Fri 01 Aug 2008, 2:39 pm

eshte thjesht show i radhe se serbise per te ber pazare ne kuriz te kosoves asgje tjeter